ကိုးလောင်းကွေ့

'' ဆရာရေ တိုက်ပြန်ပီတဲ့ ''

'' ဟေ တိုက်ပြန်ပလားဟ ဟိုနေရာပဲလား ''

'' ဟိုနေရာပဲဆရာရေ ကိုးလောင်းကွေ့ ''

စခန်းမှုးဦးမြသောင်းခေါင်းခဲရပြန်ပါပြီ ဒီမြို့ကိုပြောင်းလာကတည်းက
ကားတိုက်မှု ကားမှောက်မှု
ဆိုင်ကယ်မှောက်မှုများကိုသာ
ဖြေရှင်းနေရသည်

တစ်မြို့လုံးအေးချမ်းသာယာပါလျက်
မသာယာတာက မြို့ပြင်က
ကိုးလောင်းကွေ့ပင်
မြို့က တောင်ပေါ်မကျတကျ
မြို့လေးဖြစ်သည်

အကွေ့အကောက်ကလည်း
အများသားမဟုတ်လား
ကိုးလောင်းကွေ့က
အန္တရယ်ကွေ့လို့ဆိုရပေမည် အတော်လေးမတ်စောက်ရုံမက တောင်လုံးကြီးကိုကွေ့ပတ်ဖောက်ထားခြင်းပင် တဖက်နဲ့တစ်ဖက်မမြင်ရ
မကြာခဏ မတော်တဆဖြစ်လွန်းလို့ သတိပေးဆိုင်းဘုတ်တွေရောင်ပြန်ပြားတွေ အတားအဆီးတွေထားပါသော်လည်းမရ မှောက်မြဲမှောက်ဆဲပင်

ထိုအကွေ့ကိုကိုးလောင်းကွေ့လို့
ခေါ်တွင်ရသည်ကား
ဒီလမ်းစဖောက်ဖောက်ခြင်းမှာပင် လူကိုးဦးဟာအစဉ်လိုက်ဆိုသလို မတော်တဆဖြစ်ပြီးသေဆုံးခဲ့ကြသည် အများပြောစကားကတော့ တောင်စောင့်နတ်ကိုမပူဇော်၍ဆိုလား
စတေးရသည်ဆိုလား

ဒါကပါးစပ်ရာဇဝင်

သေတာတော့သေခဲ့ကြသည် ဒါပေသိ တောင်စောင့်နတ်ကြောင့်လား
မဆင်မခြင်မောင်း၍လားဆိုတာတော့ သေတဲ့သူတွေပဲသိလိမ့်မည်

ကဲလေဒါတွေထားအုံး
တာဝန်ကပေါ်လာပြန်ပြီ
ဆိုတော့ကာသွားရပေဦးမည်
အချိန်က ည ၈း၃၀
ဒီလူတွေနှယ့်ညဘက်ကြီး
ဆင်ခြင်မမောင်းဘူးလားလို့တွေးမိသေးတယ်

ဘာတွေဘယ်လို
ိုဖြစ်ကုန်တယ်ဆိုတာတော့
ဟိုရောက်မှပဲသိပေလိမ့်မည်

ကျွန်တော်တို့ရောက်သွားတော့
မှောက်နေတာက ရွှေငါးတစ်စီး တောင်စောင်းကိုဝင်ဆောင့်
မိသည့်အနေအထားဖြစ်၍ ရှေ့ခြမ်းတခြမ်းလုံးပိန်ချိုင့်နေသည် အကြောင်းကြားကြားခြင်း
ရောက်လာတယ်ဆိုပေမယ့် ကားမောင်းသူကအသက်မရှိတော့ ပွဲခြင်းပြီးဖြစ်သွားပုံရသည်
ကားမောင်းသူကအမျိူးသမီး
အသက်ငယ်ငယ်ပဲရှိဦးမည်

ခါးကနေစ ခေါင်းပိုင်း
တစ်ပိုင်းလုံးကြေမွလို့
မြင်ရက်စရာတောင်မရှိ
ဘယ်သူဘယ်ဝါမှန်းမသိ
လောလောဆယ်တော့
လုပ်ထုံးလုပ်နည်းအတိုင်း
လုပ်စရာရှိတာလုပ်၍
အလောင်းကိုဆေးရုံရင်ခွဲရုံပို့
ကားကိုတော့ တွဲကားတစ်စီးပေါ်တင်၍ စခန်းကိုသယ်လာကာ
ထိန်းသိမ်းထားရသည်

ဒီတခေါက်ယာဉ်တိုက်မှုက ခေါင်းခဲစရာပင် သေဆုံးသူကဘယ်သူဘယ်ဝါမှန်းမသိရ ကားထဲကရတဲ့ပိုက်ဆံအိတ်ထဲမှာလည်း မှတ်ပုံတင်ဘာညာမရှိ အလှပြင်ပစ္စည်းများ ဖုန်းတစ်လုံးနှင့်ငွေသားအနည်းငယ်သာ ဖုန်းကလည်း ရစရာမရှိအောင် ကြေမွနေပြီဖြစ်၏ အလောင်းကတော့ မသဂြိင်္ုလ်လို့မဖြစ်သည့်အနေအထားမို့ သဂြိ င်္ူလ်လိုက်ရသည်

ကားမှောက်ပြီးနှစ်ရက်မြောက်နေ့ထိ ကားနံပါတ်အရစုံစမ်းပါသော်လည်း သေဆုံးသူကောင်မလေးနှင့်ပတ်သတ်သည့်သတင်းတစ်စုံတရာမတွေ့ရ ဒါကြောင့် တပည့်လေးတစ်ယောက်ကိုစုံစမ်းဖို့တာဝန်ပေးထားရင်း ကျတော်က အထက်ကခိုင်းထားသည့်ကိစ္စများနှင့်အလုပ်ရှုပ်နေခဲ့သည်

အချိန်ကတစ်ပတ်ကျော်ခဲ့သော်လည်း ကားမှောက်သည့်မိန်းကလေးနှင့်ပတ်သတ်၍ ဘာမှမသိရသေး ဆယ်ရက်ကျော်ကျော်လောက်မှာပဲ တစ်ဖက်မြို့နယ်ရဲစခန်းက ဆက်သွယ်လာသည် ကားနံပါတ်အရ ကားပိုင်ရှင်က သူတို့မြို့နယ်မှဖြစ်သည်ဟုဆို၍ သတင်းရပြီးပြီးခြင်း ရဲဘော်တယောက်ကိုခေါ်ပြီး မိုင် ၃၀ ကျော်ကျော်ဝေးတဲ့ မြို့ကိုလိုက်သွားကြတယ် စခန်းမှုးလိုက်ပြတာက တစ်ထပ်အိမ်ကလေး အသက်ခပ်လတ်လတ်အရွယ်လင်မယားနှစ်ယောက် ကားနဲ့ပတ်သတ်ပြီးမေးကြည့်လိုက်တော့ ကားမှောက်တဲ့နေ့ကပဲကားပွဲစားကတစ်ဆင့်
ကောင်မလေးတယောက်ဆီ ရောင်းထုတ်လိုက်သည်တဲ့လေ
ခက်တာကလည်းကြားပွဲစားကခေါ်လာသူမို့ မိန်းကလေးကိုဘယ်သူဘယ်ဝါမှန်းဘယ်သူမှမသိကြ ကားဝယ်ပြီးပြန်ရာမှ မတော်တဆဖြစ်ဟန်တူသည် အဲ့ဒီ့ပွဲစားကလည်း မနေ့တနေ့ကမှ မန္တလေးသွားလိုက်တယ် ဆိုပြန်တော့ အမှုက လိုက်လေဝေးလေဖြစ်နေသည်

နေ့လည်စာစားသောက်ပြီးပြန်ခဲ့ကြတယ် ပွဲစားပြန်ရောက်မှပဲ ကောင်မလေးနဲ့ပတ်သတ်ပြီးသိနိုင်တော့မယ်ထင်ရဲ့
ဒီချိန်ပြန်မှ ညနေလောက် မြို့ကိုပြန်ရောက်မှာဆိုတော့ ဆရာတပည့်နှစ်ယောက်ခပ်သွက်သွက်ပဲပြန်ခဲ့ကြတယ်

'' အခုမှလူပျောက်ရှာရသလိုဖြစ်နေတယ်နော် ဆရာ ''

'' အေးကွ အစအနကိုပျောက်နေတာပဲ ငါ့စိတ်ထင် ဒီအနီးနားပတ်ဝန်းကျင်ကပဲဖြစ်လိမ့်မယ် ပွဲစားဆိုတဲ့လူပြန်မလာသေးခင်တော့ ဒီအနီးတဝိုက်မြို့တွေနားက လူပျောက်ရှာသတင်းပဲနားစွင့်ရမှာပေါ့ကွာ ''

'' ကောက်ရိုးပုံထဲအပ်ပျောက်ရှာသလိုဖြစ်နေတာဆရာရေ ''

'' ဟုတ်ပါ့ကွာ ''

အပြန်ခရီးကအသွားခရီးထက်ပိုကြာသယောင်ထင်ရတယ် မိုးချူပ်စပြုနေပြီ

'' ဆရာလမ်းဘေးတစ်ဆိုင်ဆိုင်မှာ ညစာဝင်ဆွဲအုံးမလား ''

'' တော်ပါပြီကွာ ရောက်တော့မှာပဲကို ဘာလဲ မင်းဆာလို့လား ဆာရင်လည်းစားလေ ''

'' ကျနော်ကမဆာပါဘူး ဆရာဆာနေမှာစိုးလို့ပါ ဒါဆိုမရပ်တော့ဘူး မောင်းပြီ ''

ရာသီဥတုကမိုးအကုန်ဆောင်းအဝင်ဆိုတော့ ညနေစောင်းတာနဲ့အေးစိမ့်စိမ့်ဖြစ်လာပြီ မိုးနှင်းတွေလည်းပိတ်နေအောင်ကျတာ ဒီလိုရာသီဥတုမျိူးနဲ့မို့ မတော်တဆမှုတွေခဏခဏဖြစ်တာလည်း မထူးဆန်းတော့ မိုးနှင်းတွေက ပိတ်သထက်ပိတ်မှောင်လာတာမို့ တပည့်ကျော်ကိုသတိထားမောင်းခိုင်းနေရသည်

ဟော ဟိုရှေ့မှာ နာမည်ကြီးလှပါတဲ့ကိုးလောင်းကွေ့
တပည့်ကျော်ကိုအရှိန်လျော့မောင်းခိုင်းလိုက်တယ် ကြောက်လို့တော့မဟုတ်ပေမယ့် အန္တရယ်ကြီးတဲ့အကွေ့မို့လို့စိုးရိမ်တာကြောင့်ဖြစ်သည် ဒီတောင်တဝိုက်က အတော်လေးအမြင့်ပိုင်းထဲမှာပါလို့ မိုးနှင်းတွေပိတ်နေအောင်ကျမယ်ထင်ခဲ့ပေမယ့် တောင်ပေါ်မှာ မြူရှင်းလို့နေသည် အကွေ့နဲနဲကျော်လာခဲ့ပြီ ခုမှစိတ်ဒုန်းဒုန်းချသွားသလို

'' ဆရာ ရှေ့မှာ လူတယောက်ထင်တယ် ထင်တယ် ကြည့်လိုက်ပါဦး ''

မိန်းကလေးတယောက်ဖြစ်ဟန်တူသည် ကျွန်တော်တို့သွားမယ့်ဘက်ကိုရှေးရှုပြီး လမ်းလျှောက်သွားနေတာဖြစ်သည် နောက်ကျောဘက်ကပဲမြင်ရတဲ့အနေအထား ဒီအနီးအနားတဝိုက်က လူအသေအပျောက်များထားတာကြောင့် တပည့်လေးက ကားရပ်ရမှာ တန့်နေသည်

'' ကျော်မောင် ကားရပ်ပြီးမေးလိုက်ပါကွာ ''

'' ဖြစ်ပါ့မလားဆရာရဲ့ လူရောဟုတ်ရဲ့လားပဲ ဒီအကွေ့နားကို ဒီချိန်ကြီးမိန်းကလေးတယောက်ထဲဖြတ်လာတာ မသင်္ကာစရာပဲ ''

'' ဖြစ်ရင်လည်းဖြစ်နိုင်ပါတယ် ဒီအနီးအနားတဝိုက်မှာလည်း ရွာတွေရှိတာပဲကို ကားရပ်ပြီးမေးကြည့်ရအောင်ပါကွာ ကူညီရမှာငါတို့တာဝန်ပဲကို ''

'' ဟုတ် ဟုတ် ဆရာ ''

ကျော်မောင်က ကောင်မလေးရဲ့ဘေးနားမှာကားထိုးရပ်လိုက်တယ်

'' ဒီမှာဗျ ''

'' ဘယ်သွားမလို့လဲမသိဘူး လိုအပ်ရင်ကျနော်တို့ကူညီပေးပါမယ် ''

ကျနော်ရော ကျော်မောင်ပါကားပေါ်ကဆင်းလိုက်တယ် ကောင်မလေးက အသက် ၂၀ ကျော်လောက်ရှိမယ် ရုပ်ရည်သန့်သန့်ပြန့်ပြန့်ပါပဲ ချမ်းလွန်းလို့ထင်ရဲ့ခိုက်ခိုက်တုန်နေတယ်

'' အောင်မလေး ဘုရားမတာပဲရှင် ကျွန်မအကူညီလိုနေတာကြာပြီ ညဘက်ကြီးဆိုတော့ ဘယ်သူမှမခေါ်တင်ချင်ကြဘူးထင်တယ် ကားတွေလည်းတားမရဘူး အခုလိုကူညီတဲ့လူရှိတာ အရမ်းဝမ်းသာတာပဲ ''

'' ကျတော်တို့က ရဲဝန်ထမ်းတွေပဲဗျာ ကူညီရမှာပေါ့ ညီမကဘယ်သွားမှာလဲ ''

'' ဒီရှေ့ကမြို့ကိုပါ ကျွန်မပစ္စည်းတစ်ခုပြန်သွားတောင်းမလို့ပါ ကားကလဲ ဟင်းးးးးးးး
လမ်းလျှောက်သွားရင်အတော်ကြာမှာ သုံးမိုင်လောက်လျှောက်ရအုံးမှာ ''

ကားပျက်လို့လမ်းလျှောက်လာဟန်တူသည် ညကြီးမင်းကြီးဆိုတော့ဘယ်ကားမှရပ်ပေးမှာမဟုတ်

'' ကဲတက်တက်ညီမ လိုက်ပို့မယ် တို့တွေလည်း အဲ့ဒီ့ပြန်မှာ ''

ကျနော်ကသာမေးမြန်းနေပေမယ့် ကျော်မောင်ကတော့ ကောင်မလေးကို လူဟုတ်မဟုတ် သေချာကြည့်နေ၏ သတိပေးလိုက်မှ ကားပေါ်ပြန်တက်ကာ ကားစက်နှိုးနေတော့သည်

'' ကဲ ညီမတက်တက် ''

ကောင်မလေးကို နောက်ခန်းမှာထိုင်ဖို့ပြောပြီး ကျနော်ကရှေ့ခန်းမှာပြန်ထိုင်လိုက်တယ် ကားပေါ်မှာတော့ မိန်းကလေးအနေခက်မှာစိုး၍ ဘာစကားမှမပြောဖြစ် နှုတ်ဆိတ်နေမိကြသည် ခဏကြာတော့ ကျော်မောင်တယောက်လှုပ်ရွ လှုပ်ရွဖြစ်လာတယ် မျက်နှာကြီးတည်ပြီး မျက်လုံးကိုလည်းပြူးထားတယ် ဒီကောင်ဘာထဖြစ်ပါလိမ့်ပေါ့ ကြည့်ရင်းနဲ့ တအီးအီး အသံတွေပါထွက်လာတယ် ပြီးတော့ မျက်လုံးကြီးအပြူးသားနဲ့ကျနော့်ဘက်လှည့်ပြီးးးးး

'' ဆရာ ကျနော် ကျနော် မရတော့ဘူး ''

'' ဘာမရတာလဲကွ ''

'' ရှူးးးပေါက်ချင်လို့ ''

'' ဟာ ဒီကောင်ကတော့ လုပ်ပီ ရောက်တော့မယ့်ဟာကို မြို့အဝင်တောင်ရောက်နေပြီ ''

'' မရတော့ဘူးဆရာ အောင့်မထားနိုင်တော့ဘူး ခုနကတည်းကတအားသွားချင်နေတာ ကားခဏရပ်မယ်နော်ဆရာ ''

ပြောပြောဆိုဆို ကားကိုလမ်းဘေးချရပ်လိုက်ပြီးကုန်းကုန်းကုန်းကုန်းနဲ့ခြုံတောဘက်ပြေးထွက်သွား၏ ကျနော်လည်း မိန်းမဆီပြန်လာနေပြီဆိုတဲ့အကြောင်းသတင်းပို့နေသည် နောက်ခန်းကကောင်မလေးကိုသတ်ိမထားမိ မိန်းမနဲ့စကားပြောပြီးဖုန်းအချ ကျော်မောင်ပြန်ရောက်လာသည်

'' အားးး ခုမှပဲပေါ့သွားးးးးးး

ဟင် ဆရာ နောက် နောက်ခန်းက ကောင်မလေးကော ''

ကျော်မောင်အလန့်တကြားပြောမှနောက်လှည့်ကြည့်လိုက်တော့ကောင်မလေးမရှိတော့ဘူး စိတ်ထဲခနကြောင်သွားတယ် ကားပေါ်ကဆင်းသွားရင်အသံကြားရမှာပေါ့ ဖုန်းပြောနေလို့မကြားလိုက်တာများလား

'' ဘယ်ရောက်သွားလဲ ဒီမိန်းကလေး အပေါ့အပါးများဆင်းသွားတာလား ''

'' ကျော်မောင်ရေ သွားရအောင် ''

'' ဗျာ ''

'' ငါတို့ခုနကခေါ်တင်လာတာ လူမဟုတ်လောက်ဘူးကွ ''

'' အစ်စ်စ် အဲ့ဒါကြောင့်ဆရာ့ကိုကျနော်ပြောပါတယ် ဆရာကကူညီချင်တာကိုးးးး ''

'' တာဝန်အရလုပ်ရတာကိုးးးး ငါလည်းဘယ်သိပါ့မလဲ မင်းရောသိလို့လား ''

နှစ်ယောက်သားထိပ်တလန့်လန့်နဲ့မောင်းလာလိုက်ကြတာ စခန်းရောက်တဲ့ထိပဲ တံခါးဖွင့်ပေးတဲ့ရဲဘော်နှေးနေလို့တောင် စိတ်တိုမိသေးတယ် စခန်းထဲဝင်လာပြီးတော့ ကားထား ပစ္စည်းထိန်းသိမ်းတဲ့အဆောက်အဦးဘက်ကနေလှည့်ပြန်လာကြတယ်

'' ဆရာ ဒီမှာကားသော့ ဓာတ်မီးက ကျနော်ယူထားမယ် ဒါနဲ့လေဆရာ ဟိုဟာက ကျနော်တို့နောက်တော့ လိုက်မလာပါဘူးနော် ''

'' မင်းကလဲကြောက်တတ်ရန်ကော အိမ်ရောက်ရင်ပိရိတ်ရေလေးဘာလေးသောက်အုံး ''

နှစ်ယောက်သားစကားပြောရင်းဂိုဒေါင်ဘက်ကဖြတ်လာတုန်း အသံတချက်ကြားလိုက်တယ် တလောက မှောက်ထားတဲ့ကားက အပြင်မှာဒီတိုင်းထားတာ အဲ့ဒီ့ကားဆီကတော့ အသံထွက်စရာမရှိ ကြည့်နေတုန်းမှာပဲ

'' ဟာ ''

'' ဟင် ''

မှောက်ထားတဲ့ကားနောက်ခန်းမှာလူတယောက်ထိုင်နေတယ် မှောင်ရိပ်ကျနေတာကြောင့်ဘယ်သူဘယ်ဝါမမြင်ရဘူး ကျော်မောင်ကလက်ထဲက ဓာတ်မီးနဲ့လှမ်းထိုးကြည့်လိုက်တော့ စောစောကကောင်မလေး ကားနောက်ခန်းမှာထိုင်နေတာ သူကဘယ်လိုလုပ်ဒီရောက်နေတာလဲလို့ တွေးနေတုန်းမှာပဲ ကျနော်တို့ဘက်ဇာတ်ကနဲလှည့်လာတယ်

'' အားးးးးးး အမလေး ''

အောင်မလေးဗျာ
မျက်နှာမရှိဘူး တစ်ကိုယ်လုံးသွေးတွေနဲ့
မျက်နှာကြီးတစ်ခုပဲဟောင်းလောင်းပေါက်ကြီး

ကျော်မောင်ကအော်ပြေးပြေးတယ် ကျနော်ကတော့အဲ့မြင်ကွင်းကိုမြင်မြင်ချင်း မျက်စိထဲကွက်ကနဲသွားမြင်တယ် ဒီကားပိုင်ရှင်မိန်းကလေး
ကားမှောက်တဲ့နေ့က ပုံ ဒီပုံစံ
ဒီအဝတ်အစား ကွက်တိ

ကြည့်နေတုန်းမှာပဲမျက်စိရှေ့ကပျောက်သွားပြန်တယ် ကျော်မောင်ကတော့
လန့်ဖျားဖျားသွားတယ်
မနက်ကျတော့ ဟိုဘက်စခန်းက အကြောငိးကြားချက်နဲ့ပွဲစားဆိုတဲ့လူရောက်လာတယ် သေသွားတဲ့ကောင်မလေးက
မိတ်ဆွေတယောက်ရဲ့ တူမဖြစ်ကြောင်း ကောင်မလေးပျောက်နေတာ
သူကိုယ်တိုင်မသိခဲ့ပဲ
ဆွေမျိူးသားချင်းများက ယောက်ျားနောက်လိုက်သွားတာလို့
ထင်နေခဲ့ကြတယ် မနက်ဖြန်တော့ဆွေမျိုးတွေရောက်လာပြီးသူ့အတွက် အမျှအတန်းပေးဝေကြမယ်ဖြစ်ကြောင်း
လာပြောပြခဲ့တော့တယ်

အခုမှပဲ စိတ်ဒုံးဒုံးချနိုင်တော့သည်

နောက်တနေ့ဆွေမျိူးများရောက်လာပြီး သူမကားမှောက်ခဲ့တဲ့နေရာနဲ့
သူမြုပ်ထားတဲ့နေရာမှာပါ သူမနာမည်ခေါ်ပြီးအမျှဝေခဲ့ကြရပါတော့တယ်
အဲ့ဒီကိစ္စကြုံပြီးမှပဲ
ကျနော်လည်း သရဲတကယ်ရှိတယ်ဆိုတာယုံသွားတော့တယ်

ပြီးပါပြီ

written by Yin Nyein Aye