ဆိုင်ကလုန်းမုန်တိုင်း အတွက် အစိုးရ ကြိုတင်ပြင်ဆင်နေပြီး သတိပေးချက်များ ထုတ်ပြန်

ဘင်္ဂလားပင်လယ်အော် အရှေ့တောင်ပိုင်းတွင် ဖြစ်ပေါ်လျှက်ရှိသော ဆိုင်ကလုန်းမုန်တိုင်း “မာရသာ” (Maarutha) သည် မြန်မာနိုင်ငံ ဘက်သို့ ဦးတည်ရွေ့လျှားမည့် အခြေအနေဖြစ်နေ၍ ဒုတိယ သမ္မတ ဦးဟင်နရီဗန်ထီးယူ ဦးဆောင်သည့် အမျိုးသားသဘာဝ ဘေးအန္တရာယ်ဆိုင်ရာ စီမံခန့်ခွဲမှုကော်မတီ မှ ကြိုတင်ပြင်ဆင်မှုများ ပြုလုပ်နေလျှက် ရှိကြောင်း သတင်းထုတ်ပြန်ထားသည်။

ဆိုင်ကလုန်းမုန်တိုင်း ”မာရသာ”(Maarutha) ဖြစ်ပေါ်မှုအခြေအနေနှင့် အမျိုးသားသဘာဝဘေး အန္တရာယ်ဆိုင်ရာ စီမံခန့်ခွဲမှုကော်မတီမှ လမ်းညွှန်ကြီးကြပ်၊ ကြိုတင်ပြင်ဆင်မှုများဆောင်ရွက်ထားရှိခြင်း

- ယခုလက်ရှိ ဘင်္ဂလားပင်လယ်အော် အရှေ့တောင်ပိုင်းတွင် ဖြစ်ပေါ်လျက်ရှိသည့် ဆိုင်ကလုန်း မုန်တိုင်း မာရသာ(Maarutha)နဲ့ပတ်သက်၍လည်း အရေးပေါ်တုံ့ပြန်ရေးလုပ်ငန်းများအတွက် ဒေသအလိုက် လိုအပ်သော ကြိုတင်ပြင်ဆင်မှုများ ဆောင်ရွက်ရန်နှင့် အောက်ခြေပြည်သူလူထု အထိ ကြိုတင်သတိပေးချက်များရောက်ရှိအောင် ဆောင်ရွက်ထားရှိရန် တိုင်းဒေသကြီး/ပြည်နယ် အစိုးရအဖွဲ့များသို့ ထပ်မံ၍လည်း နိုးဆော်ထားပါသည်။

- သက်ဆိုင်ရာ တိုင်းဒေသကြီး/ပြည်နယ် သဘာဝဘေးအန္တရာယ် ဆိုင်ရာစီမံခန့်ခွဲမှု အဖွဲ့များ အနေဖြင့် လည်း စိုက်ပျိုးသီးနှံများ ပျက်စီးဆုံးရှုံးမှု မရှိစေရေး လုံခြုံသည့် နေရာများသို့ ကြိုတင်ရွှေ့ပြောင်း သိုလှောင်ထားရှိစေခြင်းနှင့် မုန်တိုင်း ၀င်ရောက်လာပါက အရေးပေါ်တုံ့ပြန်မှု လုပ်ငန်းများဆောင်ရွက် နိုင်ရန်၊ ပြည်သူမှလည်းပူးပေါင်းပါဝင် ဆောင်ရွက်လာစေရန်၊ မုန်တိုင်းအန္တရာယ်နှင့် မုန်တိုင်းနှင့် ဆက်စပ်ဖြစ်ပေါ်နိုင်သည့် အခြားဘေးအန္တရာယ်များ အတွက် ကြိုတင်အသင့်ဖြစ်စေရန် တို့ကို သက်ဆိုင်ရာ တိုင်းဒေသကြီး/ပြည်နယ် အသီးသီးတွင် ဆောင်ရွက်လျက်ရှိပါသည်။

- ရခိုင်ပြည်နယ် အစိုးရအဖွဲ့မှ လူမှုရေးဝန်ကြီး၊ လျှပ်စစ်နှင့်လမ်းပမ်းဆက်သွယ်ရေး ၀န်ကြီး၊ စိုက်ပျိုး ရေး၊ မွေးမြူရေး၊ သစ်တောနှင့် သတ္တုတွင်းဝန်ကြီးတို့ ဦးဆောင်သောအဖွဲ့သည် ရမ်းဗြဲမြို့တွင် ရောက်ရှိအခြေပြုလျက်ရှိပြီး လိုအပ်ပါက ရွှေ့ပြောင်းရေး၊ ရှာဖွေကယ်ဆယ်ရေး၊ အရေးပေါ် ထောက်ပံ့ရေးစသည့် အလျင်အမြန်တုံ့ပြန်မှု လုပ်ငန်းများ ဆောင်ရွက်နိုင်ရန် အတွက် ကြိုတင်စုဖွဲ့ ဆောင်ရွက်လျက်ရှိပါသည်။ သံတွဲ၊ စစ်တွေ၊ မြောက်ဦး၊ ကျောက်ဖြူ ခရိုင်များအတွက် ကယ်ဆယ် ရေးထောက်ပံ့ ပစ္စည်းများကိုလည်း ကြိုတင်စုပုံထားရှိပြီး စစ်တွေ၊ သံတွဲ၊ မာန်အောင်၊ ဂွ၊ မြောက်ဦး၊ ရမ်းဗြဲ၊ မင်းပြား၊ မြေပုံ၊ တောင်ကုတ်မြို့နယ်များရှိ ရပ်ကွက်/ကျေးရွာများမှ ပြည်သူများ ကြိုတင် သတိပြု ပြင်ဆင်နိုင်ရန် မုန်တိုင်းနှင့်ပတ်သက်၍ လိုက်လံအသိပေး ဆော်သြခြင်းများလည်း ဆောင်ရွက်လျက်ရှိပါသည်။

- ဆိုင်ကလုန်းမုန်တိုင်း ၏ လက်ရှိအခြေအနေအရ မြန်မာနိုင်ငံဘက်သို့ ဦးတည်ရွေ့လျားမည့်အခြေ အနေဖြစ်၍ လိမ္မော်ရောင် အဆင့်ဟုသတ်မှတ်ကြောင်း ထုတ်ပြန်ထားသည့် အတွက်လည်း ပြည်သူ များအနေဖြင့် အောက်ဖော်ပြပါ ကြိုတင်ပြင်ဆင်မှုများ ဆောင်ရွက်ထားရန် လိုအပ်ကြောင်း အမျိုးသားသဘာဝ ဘေးအန္တရာယ် ဆိုင်ရာစီမံခန့်ခွဲမှုကော်မတီ မှ အကြံပြုအပ်ပါသည်-

(က) အရေးပေါ်ပြောင်းရွှေ့နိုင်ရန်စီစဉ်ထားပြီး လက်နှိပ်ဓါတ်မီး၊ ဖယောင်းတိုင်၊ မီးခြစ်များ အရံသင့်ဆောင်ထားပါ။ လက်ကိုင်ဖုန်းများကို အားသွင်းထားပါ။

( ခ) မိသားစုများ ကွဲကွာသွားပါက ပြန်လည်ဆုံတွေ့နိုင်မည့် ဆုံရပ်သတ်မှတ်ထားပါ။

( ဂ) မုန်တိုင်းဖြစ်ပေါ်နေချိန်တွင် ခိုင်ခံ့လုံခြုံသောအဆောက်အဦ၊ အမိုးအကာအောက်တွင်နေထိုင်ပါ။

(ဃ) ကမ်းခြေများတွင် ရောက်ရှိအပမ်းဖြေနေသူများ သတိပြုနေထိုင်ပါ။

( င) မုန်တိုင်းငယ်၏အရှိန်ကြောင့် ကုန်းတွင်းပိုင်းတွင် မိုးသည်းထန်စွာရွာသွန်းရာမှတစ်ဆင့် ဖြစ်ပေါ်တတ်သည့် လျှပ်တပြက်ရေကြီးရေလျှံမှုများ၊ မြေပြိုမှုများကိုလည်း အထူးသတိထားပါ။

( စ) ၂၀၁၁ခုနှစ်၊ အောက်တိုဘာလ(၁၉)ရက်နေ့တွင် ရခိုင်ပြည်နယ်နှင့် ဘင်္ဂလားဒေရှ့်နိုင်ငံ အကြားမှ ဖြတ်ကျော် ၀င်ရောက်ခဲ့သည့် O2B မုန်တိုင်း၏ အရှိန်ကြောင့် မကွေးတိုင်းဒေသ ကြီး၊ ပခုက္ကူခရိုင်နှင့် ဂန့်ဂေါခရိုင်တို့၌ မိုးသည်းထန်စွာ ရွာသွန်းခဲ့ပြီး လျှပ်တပြက်ရေဘေး ဖြစ်ပေါ်ခဲ့ခြင်းဖြစ်ပေါ်ခဲ့သည့် အတွေ့အကြုံများ ရှိပြီးဖြစ်သည့်အတွက်လည်း ကုန်းတွင်း ပိုင်းဒေသများသည် မုန်တိုင်းဒဏ်ကို တိုက်ရိုက်မခံစားရသော်လည်း နောက်ဆက်တွဲ ဘေးအန္တရာယ်များ ခံစားရနိုင်သဖြင့် ကြိုတင်သတိပြုရန်လိုအပ်ပါသည်။

(ဆ) တောင်ကျချောင်းများတွင် ရုတ်တရက်ရေကြီးမှုများ ဖြစ်လာနိုင်သဖြင့် တောင်ကျချောင်းများ အနီးနေထိုင်သူများ အထူးသတိထားနေထိုင်ပါ။ လိုအပ်ပါက လုံခြုံသည့်နေရာသို့ရွှေ့ပြောင်းပါ။

( ဇ) မြစ်၊ချောင်းများအနီးနှင့် မြေပြိုမှုများ ဖြစ်ပေါ်နိုင်သည့်နေရာများမှ ခေတ္တရှောင်ရှား နေထိုင်ပါ။

- ပြည်သူများအနေဖြင့် ဆိုင်ကလုန်းမုန်တိုင်း (Maarutha)အခြေအနေနှင့် ပတ်သက်၍ စဉ်ဆက် မပြတ်လေ့လာကာ အရေးပေါ်အချိန်တွင် သက်ဆိုင်ရာတာဝန်ရှိသူများ၏ စီစဉ်ဆောင်ရွက်မှုများ အတိုင်း လိုက်နာဆောင်ရွက်ခြင်းဖြင့် ပူးပေါင်းပါဝင် ဆောင်ရွက်ကြပါရန်၊ လူမှုဝန်ထမ်း၊ ကယ်ဆယ် ရေးနှင့် ပြန်လည်နေရာချထားရေး ၀န်ကြီးဌာန၊ အရေးပေါ်အခြေအနေ စီမံခန့်ခွဲမှုဗဟိုဌာန (EOC) တွင် (၂၄)နာရီဖွင့်လှစ်ထားရှိသော Call Centre ဖုန်းများဖြစ်သည့် (၀၆၇-၄၀၄၆၆၆ နှင့် ၀၆၇-၄၀၄၇၇၇)တို့သို့ အချိန်မရွေးဆက်သွယ်အကူအညီ တောင်းခံနိုင်ပါကြောင်းနှင့် အမျိုးသားသဘာဝ ဘေးအန္တရာယ်ဆိုင်ရာ စီမံခန့်ခွဲမှုကော်မတီ အနေဖြင့် မုန်တိုင်းအန္တရာယ်နှင့် ပတ်သက်၍ လိုအပ် သည့်စီမံခန့်ခွဲမှုလုပ်ငန်းများကို ဆက်လက် ဆောင်ရွက်လျက် ရှိကြောင်း အသိပေးဖော်ပြအပ်ပါ သည်။

အမျိုးသားသဘာဝဘေးအန္တရာယ်ဆိုင်ရာစီမံခန့်ခွဲမှုကော်မတီ

ဓာတ်ပုံ - Relief and Resettlement Department - Myanmar/Facebook
Credit:Irrawady
UPDATE-18 for CYCLONE MAARUTHA(01B) - ဧပြီလ ၁၆ ရက် မြန်မာစံတော်ချိန် ၁၁းဝဝ နာရီတွင် ရရှိသည့် အချက်အလက်များအရ မုန်တိုင်းဗဟို၏ အချင်း ၁၂၃ မိုင်ခန့် ရှိပြီး သံတွဲမြို့၊ မဇင်လေဆိပ်အနီးမှ ကုန်းတွင်းသို့ ယနေ့ည သန်းခေါင်ကျော်တွင် ဖြတ်ကျော်ဝင်ရောက်မည်ဖြစ်ကြောင်း တွေ့ရပါသည်။ (ပုံတွင်ကြည့်ပါ)

မုန်တိုင်းအန္တရာယ်အတွက် ကြိုတင်ပြင်ဆင်လျှက်ရှိသော အဖွဲ့အစည်းများအတွက် သိရှိနိုင်ပါရန် အသိပေး တင်ပြပါသည်။

**************
လပ္ပတ္တာမြို့နယ် ပိန္နဲကုန်း ကျေးရွာတွင် လေဆင်နှာမောင်း တိုက်ခတ်မှုကြောင့် နေအိမ် ၂၅ လုံးကျော် ပျက်စီးပြီး လူ နှစ်ဦး ဒဏ်ရာရ

လပ္ပတ္တာမြို့နယ်၊ ပြင်စလူ မြို့နယ်ခွဲ၊ ဓနိဆိပ် ကျေးရွာအုပ်စု၊ ပိန္နဲကုန်း ကျေးရွာတွင် ဧပြီ ၁၅ ရက် ည ၈ နာရီ ၁၅ မိနစ်ခန့်က လေဆင်နှာမောင်း ၀င်ရောက်တိုက်ခတ်မှုကြောင့် နေအိမ် အလုံး ၂၅ လုံးကျော် ပျက်စီးပြီး လူ နှစ်ဦး ဒဏ်ရာ ရရှိခဲ့ကြောင်း သိရသည်။

လေဆင်နှာမောင်း တိုက်ခတ်မှုကြောင့် နေအိမ် ဆုံးရှုံးခဲ့ရသူများအား ကျေးရွာ စာသင်ကျောင်းတွင် ခေတ္တနေရာချထားလျက်ရှိပြီး ကျေးရွာတွင် ပြုလုပ်နေသော အလှူတစ်ခုမှ ထမင်းနှင့် စားသောက်ဖွယ်ရာများကို ပေးဝေထောက်ပံ့လျက်ရှိကြောင်း သတင်းရရှိသည်။

■ ဓါတ်ပုံ - မင်းသူဝင်းထွဋ်